Andecha Astur pide que los puertos de Xixón y Avilés dexen de ser de titularidá estatal

NOTA DE PRENSA

Acusa al Estáu español de llevalos a la ruina col oxetu de beneficiar los intereses gallegos
Énte la situación d’abandonu nel que s’alcuentren los puertos de Xixón y Avilés, dambos
vaxo titularidá española, y que vien siendo reiteradamente denunciao pol conxuntu del seutor
pesqueru asturianu, Andecha Asur urxe a que dambos puertos pasen a titularidá asturiana (son los únicos asturianos baxo dependencia española), darréu qu’atalanta que non solo ye de sentíu común qu’el conxuntu los puertos d’Asturies tean baxo control asturianu, sinon porque considera que la dexadez que carecen (recientemente LomjaGijón pidió simplemente’l
mesmu tratu qua otres rules pa poder coetir con equidá) nun ye circustancial, comu tampocu
nun lo ye l’especial «celu ispector» que sufren, con decomisaciones y sanciones a compraores
y el consiguiente efeutu disuasoriu pa los barcos; sinon que respuende al interés estatal de
desarticular el seutor pesqueru asturianu en beneficiu del gallegu.
Nesti sen Andecha Astur quier destacar que la flota que descarga en dambos puertos ye
mayoritamente gallego -darréu que l’asturiana yá foi comenientemente «reconvertía» poles
polítiques pesqueres españoles-. y que col abandonu y la presiónp olicial que sufren los
mencionaos puertos asturianos, lo que se llogra ye qu’esta flota valore seriamente la posibilidá de retornar a los sos puertos d’orixe. Asina memso, nun ye coincidencia’l fechu de que’l PSOE gallegu gobierne en coallición col BNG, nin el fechu ciertu de que mentes en Galicia esiste un gobiernu propiu, con competencies y voluntá política, n’Asturies carecemos un gobiernu sucursal que malpenes pasa de ser una mera descentralización alministrativa ensin competencias d’interés -concretamente nel seutor pesqueru les competencies son inrisories.
Asina mesmo, Andecha Astur tampoco nun comprende comu ye posible que tando’l puertu
d’Avilés sometíu a titularidá española, el «Principado» cofinanciare ¡a fondu perdíu! cola
Autoridá Portuaria de dichu puertu, la costruición y equipamientu d’una moderna rula
climatizada por un importee estimáu en 1,2 millones d’euros. Llóxicamente, si el «Principado» nun tien competencies nesi puertu, lo propio ye que o bien les desixa, o que mentes siga baxo dominación estatal seya l’estáu el que rialice les inverisones, y que’l capital del «Principado» s’invierta nos buertos qeu tan baxo la so titularidá que tan abondamente necesitaos d’inversiones.

Daniel Cueli Canto
Secretariu Xeneral d’Andecha Astur

Comentarios